“Yevlax Rayon Mərkəzi Xəstəxanası” PHŞ-də pul mənimsənilməsi ilə bağlı cinayət işi başlanılıb. Bu barədə 2 avqust tarixində Baş Prokurorluq məlumat yayıb.
Xəstəxanada baş verən qanunsuzluqlar barədə rayon prokurorluğuna daxil olmuş vətəndaş müraciəti əsasında araşdırma aparılıb.
Qeyd olunan tibb müəssisəsinin vəzifəli şəxs(lər)i tərəfindən işçilərə qanunla nəzərdə tutulandan artıq əməkhaqqı ödənilməsi, işə çıxmayan şəxslərə əməkhaqqı hesablanması və digər yollarla dövlət büdcəsinə məxsus ümumilikdə 73 min manatdan artıq vəsaitin mənimsənilməsinə əsaslı şübhələr aşkar edilib.
Faktla bağlı “külli miqdarda mənimsəmə” maddəsilə cinayət işi başlanılmaqla istintaq aparılır.
