Yevlax rayonunda qəzaya düşən şəxs 11 gün sonra xəstəxanada ölüb. Bu barədə 7 aprel tarixində Report məlumat verib.
Hadisə martın 26-da şəhərin Nizami prospektində qeydə alınıb.
Belə ki, 1991-ci il təvəllüdlü Abdullayev Ruslan Sakit oğlu idarə etdiyi “QAZ-322132” markalı, 02 BF 780 dövlət qeydiyyat nişanlı mikroavtobusla piyadalar - 1975-ci il təvəllüdlü Ələsgərova Səbinə Rafiq qızı və 1962-ci il təvəllüdlü Mirzəyeva Bəsdi Halay qızını vurub.
Nəticədə Səbinə Ələsgərova hadisə yerində, Bəsdi Mirzəyeva isə aprelin 6-da müalicə olunduğu xəstəxanada ölüb.
Faktla bağlı cinayət işinin ibtidai istintaqı aparılır.
