Yola sərf olunan vaxtın iş vaxtına əlavə olunmasının mümkünlüyü barədə hüquqşünas danışıb. Bu haqda Bizim.media 8 may tarixində xəbər verib.
Hər gün işə gedərkən, demək olar ki, vaxtımızın müəyyən, hətta çox hissəsi yolda keçir.
Bir çoxları gün ərzində buna 15-20 dəqiqə vaxt sərf etsə də, işə gedib-gəlmək üçün 2 saata qədər vaxt itirənlər heç də az deyil.
Lakin Avropada bu mövzu ilə bağlı işçiləri sevindirəcək qərar var.
Belə ki, “Avropa İnsan Hüquqları Məhkəməsi” evdən işə gedərkən sərf olunan zamanı iş gününün bir hissəsi kimi tanıyıb. Bununla da işə gedib və qayıdarkən xərclənən zamanın əməkdaşların iş saatına əlavə ediləcəyi vurğulanır.
Görəsən, Avropada tətbiq edilən sözügedən sistemin Azərbaycanda da tətbiqi mümkündürmü?
Hüquqşünas Sahib Məmmədov bildirib ki, yola sərf olunan vaxtı individual hesablamağın mümkün olmayacağı kimi tətbiqi də, həmçinin gözlənilmir.
