Dünən, aprelin 3-də güləş üzrə Avropa çempionatına yekun vurulub. Yunan-Roma güləşi üzrə yığmamız Avropa çempionu adını qazanıb.
Turnirdə 10 çəki dərəcəsində çıxış edən yığma komanda 8 medal qazanıb və yekunda 165 xal yığaraq qitə çempionu olub. Eldəniz Əzizli (55 kq) və Rafiq Hüseynov (82 kq) qızıl medal, Taleh Məmmədov (63 kq) gümüş medal, Murad Məmmədov (60 kq), Həsrət Cəfərov (67 kq), Ülvü Qənizadə (72 kq), Sənan Süleymanov (77 kq) və İslam Abbasov (87 kq) isə bürünc medal qazanıblar. İkinci yerdə 150 xalla Türkiyə, 3-cü yerdə isə 114 xalla Gürcüstan qərarlaşıb.
Qeyd edək ki, bundan öncə yarışda çıxış edən sərbəst güləş üzrə Azərbaycan yığması da Avropa çempionu adını qazanıb.
