Müdafiə naziri Zakir Həsənov prezident seçkilərində səsvermə hüququndan istifadə edib. Bu barədə 7 fevral tarixində Report məlumat verib.
O, 23 saylı Nəsimi - Səbail seçki dairəsinin 29 saylı məntəqəsində səs verib.
Daxili işlər naziri Vilayət Eyvazov səsvermə hüququndan Xankəndidə istifadə edib. Nazir 122 saylı Xankəndi seçki dairəsinin 16 saylı məntəqəsində növbədənkənar prezident seçkisində səs verib.
Seçkilərdə:
- hakim Yeni Azərbaycan Partiyasının prezidentliyə namizədi İlham Əliyev,
- namizədliyi özü tərəfindən irəli sürülən Zahid Oruc,
- Milli Cəbhə Partiyasının prezidentliyə namizədi Razi Nurullayev,
- Böyük Quruluş Partiyasının prezidentliyə namizədi Fazil Mustafa,
- Böyük Azərbaycan Partiyasının prezidentliyə namizədi Elşad Musayev,
- Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev,
- namizədliyi özü tərəfindən irəli sürülən Fuad Əliyev mübarizə aparır.
