Zaqatala, Bərdə və Qubada tullantıların qalaqlanması faktı aşkarlanıb. Bu barədə İnsanoid Daxili İşlər Nazirliyinin (DİN) mətbuat xidmətinə istinadən bu gün, 14 iyul tarixində xəbər verir.
Quba polisi rayonun Möhüc kəndi ərazisində sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsinə görə bələdiyyə sədrini cəzalandırıb.
Onun barəsində İnzibati Xətalar Məcəlləsinin 271-ci maddəsi ilə protokol tərtib olunub.
Bərdədə məişət tullantılarının müəyyən edilmiş yerlərdən kənara atılması, ətrafın zibillənməsi halları ilə bağlı 7 nəfər cəzalandırılıb.
Onlar barəsində ümumilikdə İnzibati Xətalar Məcəlləsinin 266.3-cü (Məişət tullantılarının tutumlardan (urnalardan) kənar yerlərə atılmasına görə) maddəsinin tələbini pozduğuna görə inzibati qaydada protokol tərtib olunub.
Zaqatalada sənaye və məişət tullantılarının qalaqlanması aşkarlanıb.
İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə həmin kəndlərin bələdiyyə sədrləri barəsində inzibati tənbeh tədbiri tətbiq olunub.
Həmçinin, çirkab sularını su hövzəsinə axıdan şəxslərlə profilaktik söhbətlər aparılıb və barələrində İnzibati Xətalar Məcəlləsinin 264-cü (Su obyektlərinin mühafizəsi qaydalarının pozulması) maddəsi ilə protokol tərtib edilərək inzibati məsuliyyətə cəlb ediliblər.
[caption id="attachment_122018" align="alignnone" width="696"]
Foto DİN[/caption]
