"Zirə" "Qəbələ"dən ayrılan futbolçu ilə müqavilə imzalayıb. Bu barədə İnsanoid klubun mətbuat xidmətinə istinadən bu gün, 22 iyun tarixində xəbər verir.
Qəsəbə təmsilçisindən verilən məlumata görə, "qartallar" müdafiəçi Məqsəd İsayevi heyətinə qatıb.
28 yaşlı oyunçu ilə 2 illik müqavilə imzalanıb.
Qeyd edək ki, Məqsəd İsayev son olaraq, "Qəbələ"nin uğurları üçün çalışıb. O, daha əvvəl “Neftçi”, “Şamaxı”, “Sabah” və “Səbail”də də çıxış edib.
