2020-ci il oktyabrın 4-də Azərbaycan Prezidenti İlham Əliyev Twitter (indiki "X") hesabında Cəbrayıl şəhərinin və bir neçə kəndin erməni işğalından azad edilməsilə bağlı mühüm məlumat paylaşıb.
İnsanoid.com xatırladır ki, Prezident tvitində belə ifadə edib: "Bu gün Azərbaycan Ordusu Cəbrayıl şəhərini və bir neçə kəndi işğaldan azad edib. Yaşasın Azərbaycan Ordusu! Qarabağ Azərbaycandır!"
Bu qələbə Azərbaycan Ordusunun Vətən müharibəsində əldə etdiyi ilk böyük uğurlardan biri kimi tarixə düşüb. Prezident Əliyev həmçinin həmin gün azad edilən kəndlərin adlarını da sadalayıb: Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəjəl, Mahmudlu və Cəfərabad kəndləri.
Bu tarixi qələbə Azərbaycan ictimaiyyəti tərəfindən böyük sevinc və qürur hissi ilə qarşılanıb və müharibənin gedişatında mühüm dönüş nöqtəsi olub.
