"Qızların təhsili mütləq önə çəkilməlidir".
Bunu elm və təhsil naziri Emin Əmrullayev "Qızların Təhsilinə Dəstək" layihəsinin 5 illiyi və Hacı Zeynalabdin Tağıyevin qızlar məktəbinin yaradılmasının 125-ci ildönümünə həsr olunmuş yubiley tədbirində bildirib.
"Təhsilli qızlar təhsilli analardır. Anası ali təhsilli olan şagirdlərin nəticələri anası daha az təhsil almış şagirdlərin nəticələrindən yuxarı olur", - deyə nazir vurğulayıb.
Əmrullayev qeyd edib ki, 4-cü sinifdə qızların nəticələri oğlanlardan yüksək olsa da, 15 yaşda vəziyyət dəyişir. O, bunu qızların sosial həyatındakı məhdudiyyətlərlə əlaqələndirib.
Mənbə: apa.az
