Bələdiyyə seçkilərində “exit-poll” keçirmək istəyən təşkilatlar üçün akkreditasiya sənədlərinin qəbul müddəti sabah sona çatır.
İnsanoid.com-un məlumatına görə, bu barədə məlumat “Azərbaycan Respublikasında bələdiyyə seçkilərinin hazırlanması və keçirilməsi üzrə əsas hərəkət və tədbirlərin Təqvim Planı”nda qeyd olunub.
Seçki Məcəlləsinə uyğun olaraq, “exit-poll” aparmaq istəyən təşkilatlar Mərkəzi Seçki Komissiyasına (MSK) səsvermə gününə ən azı 20 gün qalmış müraciət etməlidirlər.
Təqvim Planına əsasən, bu müddət 2025-ci il yanvarın 9-da sona çatır.
Xatırladaq ki, Azərbaycanda bələdiyyə seçkiləri 2025-ci il yanvarın 29-da keçiriləcək.
