Filadelfiyada qocalar evində tanış olub evlənən 100 yaşlı kişi ilə 102 yaşlı qadın "Ginnesin Rekordlar Kitabı"na düşüb.
Axşam.az xəbər verir ki, onlar dünyanın ən yaşlı yeni evlənənləri olublar.
19 may tarixində evlənən Berni Littman və Marcori Fitermanın birgə 202 yaşı (202 il 272 gün) var.
Littman və Fiterman qocalar evində keçirilən kostyum gecəsində tanış olublar. Məlum olub ki, onların hər ikisi Pensilvaniya Universitetində eyni vaxtda təhsil alıblar lakin, heç vaxt rastlaşmayıblar.
Onlar 2015-ci ilin iyununda evlənən 194 yaşı (194 il 279 gün) olan cütlük Dorin və Corc Kirbini qabaqlayıblar.
