Demokrat Partiyasından ABŞ prezidentliyinə namizəd Kamala Harrisi dəstəkləmək üçün keçirilən mitinqdə rep ifaçısı Eminem (əsl adı Marşall Bryus Maters III) çıxış edib. Çıxışından sonra o, keçmiş ABŞ prezidenti (2009-2017) Barak Obamanı tribunaya dəvət edib, o da Eminemin "Lose Yourself" mahnısından bir bənd oxuyub.
Oxu.Az bu barədə RBK-ya istinadən xəbər verir.
Əvvəlcə keçmiş prezident bir çox mitinqlərdə iştirak etdiyini və adətən həyəcanlanmadığını, lakin rep ifaçısından sonra çıxış etməyin onda müəyyən hiss yaratdığını söyləyib.
Qeyd edək ki, mitinq Eminemin uşaqlıqda bir müddət yaşadığı Miçiqan ştatında keçirilib. "Detroyt şəhəri və bütün Miçiqan ştatı mənim üçün çox önəmlidir", - deyə musiqiçi yerli sakinləri seçkidə Harrisə səs verməyə çağırıb.
