13 oktyabr tarixində Ermənistanın hərbi hissələrinin birində hərbçi Aqasi Dallakyanın meyiti aşkar edilmişdi. İlkin ehtimala görə, çənəsindən güllə yarası ilə ölən əsgərin intihar edildiyi deyilirdi.
İnsanoid.com erməni KİV-ə istinadən xəbər verir ki, Dallakyanın intihar etdiyi müəyyənləşdirilib. Məlum olub ki, sözügedən hərbi hissənin komandiri digər hərbçilərlə əlbir olaraq vaxtaşırı hərbi qulluq çəkən gəncləri alçaldıb və təhqir ediblər. Hadisə baş verən gün isə komandir digər hərbçilərlə birlikdə postu tərk edərək, yaxınlıqda xidmət çəkən Dallakyanın yanına gediblər. Burada onun şərəf və ləyaqətini təhqir ediblər. Çıxılmaz vəziyyətdə qalan əsgər isə çıxış yolunu intiharda görüb.
Qeyd edək ki, bu tip hallar Ermənistan ordusunda geniş yayılıb.
