Ermənistanın baş nazirinin həyat yoldaşı Anna Akopyan 44 günlük müharibənin ildönümü olan 9 noyabr tarixində növbəti istirahətindən foto və videolar paylaşıb. Fotolarda Anna Akopyanın qızı Məryəm Paşinyan ilə birlikdə Afrikada istirahət etdiyi və safariyə çıxdığı görünür.
Oragir.News məsələnin detallarını öyrənmək üçün bir turizm şirkətinin rəhbəri ilə əlaqə saxlayıb və baş nazirin həyat yoldaşı və qızının Afrikaya səfəri və müharibənin ildönümündəki istirahətlərinin təxmini dəyərini soruşub.
Turizm mütəxəssisinin dediyinə görə, adətən Tanzaniyaya uçuş üçün bir nəfərlik biletin qiyməti təxminən 600-800 dollar arasında dəyişir. Yaxşı bir oteldə həftəlik qalma isə 3000-4000 dollar civarındadır. Bir nəfərlik safari turunun günlük qiyməti isə təxminən 600-700 dollar təşkil edir ki, bu da heyvanları təbii mühitlərində izləmək imkanını verir.
Mütəxəssisin sözlərinə görə, iki nəfərlik Afrikaya səfər və istirahət ümumilikdə təxminən 6000 dollara başa gəlir.
“Əgər iki nəfər üçün orta hesabla 650 dollarlıq bilet, 3000 dollarlıq otel və 1200 dollarlıq safari nəzərə alınsa, bu, təxminən 5500-6000 dollar edir,” — deyə turizm mütəxəssisi qeyd edib.
