Bu ilin yanvar-avqust aylarında İpoteka və Kredit Zəmanət Fondunun (İKZF) xətti ilə 349,6 milyon manat kredit verilib. Bu barədə 26 sentyabr tarixində Report Mərkəzi Banka istinadən məlumat verir.
Bu, 2022-ci ilin eyni dövrü ilə müqayisədə 34,8% çoxdur.
Hesabat dövründə Fondun yenidən maliyyələşdirdiyi kreditlərin məbləği isə 41,2% artaraq 312,2 milyon manat olub.
İl ərzində İKZF-nin istiqraz buraxmaqla cəlb etdiyi vəsaitin məbləği 41,9% artaraq 220 milyon manata çatıb, Fonda dövlət büdcəsindən ayrılmış vəsaitin məbləği isə 8% azalaraq 65,7 milyon manata düşüb.
