Çinin "Space Transportation" şirkəti, "Concorde" təyyarəsindən iki dəfə sürətli, "Mach 4" sürətində hərəkət edə bilən yeni sərnişin təyyarəsinin ilk sınaq uçuşunu uğurla tamamlayıb.
İnsanoid.com Xarici KİV-lərə istinadən xəbər verir ki, 2027-ci ildə ilk səsdən sürətli sərnişin təyyarəsinin uçuşa başlaması planlaşdırılır.
Yeni təyyarə London və Nyu-York arasında məsafəni 1,5 saat ərzində qət edə bilər. Müqayisə üçün, "Concorde"-un ən sürətli uçuşu 2 saat 53 dəqiqə çəkirdi, standart təyyarələr isə bu uçuşu təxminən səkkiz saata tamamlayır.
"Space Transportation", kommersiya səsdən sürətli uçuşları yenidən həyata keçirmək istəyən şirkətlər arasındadır. ABŞ-ın "Venus Aerospace" şirkəti isə Mach 6 sürətində uçan təyyarə üzərində işləyir. Elon Musk da səsdən sürətli elektrik VTOL təyyarəsi istehsal etməyə maraq göstərib, lakin işlərinin çoxluğundan hazırda belə bir layihəni davam etdirmir.
