Çin şirkətləri işdən həddindən artıq yorğunluğa qarşı sığorta təklif edir.
"China Pingan Insurance" şirkəti tərəfindən təqdim olunan “996” adlı sığorta məhsulu reklamı Çinin materik hissəsində sosial şəbəkələrdə geniş yayılıb.
İnsanoid.com "Xiaoxiang Morning Herald"-a istinadən xəbər verir ki, sığortanı almaq üçün alıcı illik minimum 18 yuan (təxminən 4,25 AZN) ödəməlidir. Bu sığorta, qəfil ölüm və ya bədbəxt hadisə baş verdikdə, ailənin 600 min yuanadək (təxminən 143 min AZN) məbləğdə kompensasiya almasına imkan verir.
"996 sistemi" Çin şirkətlərinin bəziləri tərəfindən qanunsuz tətbiq edilən iş qrafikidir. Adını işçilərin həftənin 6 günü səhər saat 9-dan axşam 9-a qədər işləməsini tələb edən sistemdən alıb. Bu qrafik Çin əmək qanunvericiliyini pozsa da, bir çox şirkət bu sistemi tətbiq edir.
