Çin və Böyük Britaniyadan olan alimlər qrupu insan qan-damar sisteminin üçölçülü çapı üçün yeni bir texnologiya işləyib hazırlayıb. Bu yanaşma gələcəkdə dərmanların sınağında heyvanlardan istifadədən imtina etməyə şərait yaradacaq.
İnsanoid.com-un məlumatına görə, bu tədqiqat "Angewandte Chemie" (AnCh) adlı elmi jurnalda dərc olunub.
PRINCESS (implantasiya olunmuş hüceyrələrin çap strategiyası) adlanan metod xüsusi DNT-hidrogelindən istifadə edir. Bu material biosürtkü kimi xidmət edir və 70 mikrometr (mkm) diametrində - insan tükündən daha nazik - mikrovaskulyar şəbəkənin çapını uğurla həyata keçirməyə imkan yaradır.
Tədqiqatçılar qeyd edirlər ki, bu model yalnız humanist yanaşma deyil, həm də tədqiqatların dəqiqliyi və effektivliyini artırmaq baxımından əhəmiyyətlidir.
"Heyvanlar üzərində aparılan testlər insan orqanizminin dərmanlara reaksiyasını tam şəkildə proqnozlaşdıra bilmir. Buna görə də insanlar üçün daha real və effektiv sınaq mexanizmləri yaratmaq lazımdır. Mikrodamar sistemləri bu prosesin əsas elementi olacaq," - deyə tədqiqatın müəlliflərindən biri, Böyük Britaniyanın Stratklayd Universitetinin professoru Vilyam Şou bildirib.
Mütəxəssislər bu yeni texnologiyanın regenerativ təbabətdə də əhəmiyyətli irəliləyişlərə yol açacağını vurğulayırlar.
