80 yaşlı milyarder Larri Ellisonun 33 yaşlı "gizli" arvadının olduğu üzə çıxıb.
"Daily Best" nəşri xəbər verir ki, Miçiqan Universitetinin futbol azarkeşləri milyarderə və onun həyat yoldaşı "Colin"ə açıq şəkildə təşəkkür edərək Ellisonu ələ veriblər. Cütlük ABŞ futbolunun parlayan ulduzunu komandaya cəlb etməyə kömək edib.
Qeyd edilir ki, milyarderin evliliyi ilə bağlı rəsmi məlumatlar yoxdur. Jurnalistlər aşkar ediblər ki, "Colin" adı altında Miçiqan Universitetinin 33 yaşlı məzunu Kejen Çju gizlənir.
Xatırladaq ki, bundan əvvəl "Forbes"un yazdığına görə, "Oracle" korporasiyasının təsisçilərindən biri və direktorlar şurasının sədri Larri Ellison planetin ən varlı adamları siyahısında ikinci yeri tutub.
206,5 milyard dollar sərvəti ilə Ellison "Amazon"un qurucusu Ceff Bezosu (202,9 dollar) qabaqlayıb. Həmçinin vurğulanır ki, "Oracle" rəhbərinin sərvəti sutkada 8,8 milyard dollar artıb. Reytinqin lideri isə "SpaceX" şirkətinin rəhbəri İlon Mask olaraq qalır. "Forbes" onun sərvətini 250,8 milyard dollar dəyərində qiymətləndirir.
