Ambulator dərmanlar icbari tibbi sığorta paketinə daxil olacaq.
İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev bildirib ki, ambulator müalicə üçün dərman təminatına gələn ilin ikinci yarısında başlanılacaq. Bunun üçün ilk 6 ay üzrə 40 milyon manat ayrılması planlaşdırılır.
Sədr həmçinin Xidmətlər Zərfinin genişləndirilməsi məsələsinə toxunaraq, gələn il beyin və boyun anevrizmalarının aradan qaldırılması, endovaskulyar lazer ablasiya və digər mürəkkəb tibbi prosedurların sığorta paketinə əlavə ediləcəyini vurğulayıb.
Onkoloji diaqnostikada Pozitron Emissiya Tomoqrafiyasının xərclərinin də Xidmətlər Zərfinə daxil edilməsi müzakirə olunur.
Zaur Əliyev əlavə edib ki, icbari tibbi sığorta çərçivəsində tibbi xidmətlərə müraciətlər ötən illə müqayisədə 9% artaraq 22 milyonu keçib.
Bu barədə ətraflı Xəzər Xəbərin reportajında:
