77 yaşlı müğənni görmə qabiliyyəti ilə bağlı problemlər səbəbindən yeni albomunun hazırlığını tamamlamaqda çətinliklərlə üzləşib.
İnsanoid.com xəbər verir ki, Elton Con “Good Morning America” proqramında verdiyi açıqlamada sağ gözündə zəif görmə, sol gözündə isə ciddi problemlərin olduğunu bildirib. O, müsahibə verməkdə çətinlik çəkməsə də, mahnı mətnlərini oxuya bilmədiyi üçün studiya işlərinə davam edə bilmir. Müğənni hazırda göz infeksiyası ilə əlaqədar müalicə aldığını, lakin bərpa prosesinin uzun sürdüyünü vurğulayıb.
Qeyd edək ki, Elton Con 50 illik karyerası ərzində 300 milyondan çox albom satıb. Onun 52 sinqlı Britaniya Top-40-a, 23 sinqlı isə ABŞ Top-40-a daxil olub. Müğənninin ən məşhur sinqllarından biri olan “Candle in the Wind” 1997-ci ildə 37 milyon nüsxə ilə satış rekordu qırıb.
