Filipp Kirkorov məhkəmə icraçıları tərəfindən axtarışa verildi – səbəb: Rolls-Royce avtomobilinə görə 30-dan çox ödənilməmiş cərimədir.
İnsanoid.com Rusiya Telegram kanallarına istinadən xəbər verir ki, pop musiqisinin kralının "krallıq avtomobili" keçən ilin dekabrından bu yana 31 dəfə yol hərəkəti qaydalarını pozub. Qaydalar arasında sürət həddini aşma, yol nişanlarının tələblərinə əməl etməmə və qanunsuz dayanma yer alır. Nəticədə 24 min rubl məbləğində cərimələr yığılıb ki, Kirkorov bunları ödəməyi unudub. Müğənni əsasən avtomobilinin arxa oturacağında əyləşir, sükan arxasına isə sürücü və mühafizəçisini göndərir.
Buna cavab olaraq məhkəmə icraçıları icra işini açaraq avtomobilin qeydiyyat əməliyyatlarına qadağa qoyublar.
Əlavə olaraq, müğənninin geyim mağazası və yaradıcılıq mərkəzinin hesabları vergi borcları səbəbindən Federal Vergi Xidməti tərəfindən dondurulub.
