"WhatsApp" istifadəçilərin göndərilməmiş mesajları unutmamaları üçün yeni "Mesaj Qaralamaları" funksiyasını təqdim edib.
İnsanoid.com Xarici KİV-lərə istinadən xəbər verir ki, bu xüsusiyyət sayəsində yazmağa başlayıb tamamlamadığınız mesajların yanında "Qaralama" etiketi görünəcək və həmin söhbət siyahınızın yuxarısına, sabitlənmiş mesajlardan dərhal aşağıya yerləşdiriləcək. Bu yenilik, mesajların unudulmasının qarşısını almaq məqsədi daşıyır və tətbiqin son versiyasında mövcuddur.
Bundan əlavə, WhatsApp yaxın zamanda istifadəçilərə telefon nömrələri əvəzinə istifadəçi adları vasitəsilə əlaqə əlavə etməyə imkan verəcək, beləliklə, telefon nömrələrinin istifadəsini aradan qaldırmağı planlaşdırır.
