İspaniyanın şimalındakı Tajueco qəsəbəsində baş verən cinayət işinin araşdırılmasında "Google Street View" tətbiqindən götürülən görüntülər polisə mühüm ipucu verib.
BBC xəbər verir ki, polis görüntülərdə bir nəfərin avtomobilin baqajına böyük ağ plastik torba yerləşdirdiyi anın qeydə alındığını və bunun qurbanın cəsədinin daşındığı an ola biləcəyini bildirib.
Keçən ay hadisə ilə bağlı iki nəfər həbs edilib. Onlar 2023-cü ilin oktyabrında itkin düşən və sonradan məzarlıqda meyiti parçalanmış halda tapılan 33 yaşlı Kuba vətəndaşının qətli ilə əlaqədar ittiham olunurlar.
Polis, digər görüntülərdə bir şəxsin əl arabası ilə böyük ağ paket daşıdığını göstərən bulanıq siluetin də olduğunu qeyd edib. Lakin bu görüntülərin işin həllində həlledici olmadığı vurğulanıb.
Cinayət işinə dair istintaq davam edir.
[gallery size="full" ids="210613,210612"]
