Qırğızıstanın islah müəssisələrində məhbusların və personalın nizam-intizama riayət etməsinə nəzarət məqsədilə süni intellektin tətbiqinə başlanıb.
TASS xəbər verir ki, bu barədə respublikanın Ədliyyə Nazirliyi məlumat verib.
Bildirilir ki, istintaq təcridxanası və koloniyalara quraşdırılmış müşahidə kameraları yanğın, dava-dalaş, insanların icazəsiz toplaşması, qadağan olunmuş yerlərdə olma, həmçinin müəssisə rəhbərliyi tərəfindən postun tərk edilməsini aşkar edə bilir.
"Həmçinin, cəzaçəkmə sistemindəki müəssisələrimizdəki kameralar cinsi, yaşı, geyimi tanıya bilir", - deyə nazirlikdən bildirilib.
Qeyd edək ki, Qırğızıstanda təxminən 11 min nəfərin saxlanıldığı 15-dən çox islah koloniyası və istintaq təcridxanası var.
