İspaniyanın Valensiya muxtar icmasında leysan yağışları və daşqınlar nəticəsində ölənlərin sayı 62 nəfərə çatıb.
Bu barədə İnsanoid.com İspaniya KİV-lərinə istinadən məlumat verir.
İspaniya Baş naziri Pedro Sançes xalqa müraciət edərək "ehtiyatı əldən verməməyə" çağırıb.
Bugünkü çıxışında Sançes, dövlət və Avropa İttifaqı resurslarının fəlakətdən zərər çəkən ərazilərə kömək üçün səfərbər ediləcəyini bildirib.
13:54
İspaniyanın Valensiya şəhərində leysan yağışları nəticəsində 50 nəfər ölüb, 7 nəfər itkin düşüb.
İnsanoid.com xəbər verir ki, bu barədə BBC məlumat yayıb.
Bildirilib ki, qırmızı təhlükə səviyyəsi elan edilib.
Regional hökumətin başçısı Karlos Mazon jurnalistlərlə söhbətində vəziyyəti misli görünməmiş kimi xarakterizə edib.
İspan mediasının məlumatına görə, bəzi rayonlarda bir gün ərzində aylıq normadan çox yağıntı düşüb. Bu, bir çox ərazilərin su altında qalmasına, dəmir yolu və hava nəqliyyatının pozulmasına səbəb olub.
