İsrailin Baş naziri Benyamin Netanyahu üç korrupsiya işi üzrə ifadə vermək üçün Təl-Əviv dairə məhkəməsinə gedib.
İnsanoid.com Xarici KİV-ə istinadən xəbər verir ki, siyasətçiyə qarşı dələduzluq və etimaddan sui-istifadə ilə bağlı iş açılıb.
İlkin olaraq Netanyahu və ailə üzvləri amerikalı prodüser Arnon Milçan və avstraliyalı yəhudi iş adamı Ceyms Pakerdən dəyəri 700 min şekeldən (təxminən 196 min dollar) çox olan bahalı hədiyyələr qəbul etməkdə ittiham edilir. Bundan başqa siyasətçi Yediot Ahronot (Ynet) qəzetinin sahibi Arnon Moses ilə əlbir olaraq dələduzluqda və etibardan sui-istifadə etməkdə, ayrıca olaraq rüşvətxorluq, fırıldaqçılıq və etibardan sui-istifadə də ittiham olunur.
Netanyahu ilə bağlı istintaq 2016-cı ilin dekabrında başlayıb və 2019-cu ilin noyabrında ona qarşı ittihamlar irəli sürülüb. Baş nazirin məhkəməsi 2020-ci il mayın 24-də başlayıb və 140-a yaxın adam artıq ifadə verib.
