"Ezoterika ilə bağlı kitabı nəyəsə aludə olanda oxumalı və anlamalısan. Mən də o kitabı güclü narkotik aludəçisi olanda oxudum. Davranışlarıma ya haqq qazandırmaq, ya da vəziyyətdən çıxmaq üçün onu oxuyurdum".
İnsanoid.com xəbər verir ki, bu sözləri reper Elşad Xose "Youtube"da yayımlanan "HH Podcast" layihəsində deyib. O, bir vaxtlar narkotik aludəçisi olmasından söz açıb:
"Çox çətin idi, uzun müddət davam etdi. Bir igidin ömrü. 20 il aludəçi oldum. Amma indi həyatımda heç bir narkotika yoxdur. Klinikaya getmədim, özüm-özümü müalicə etdim. Narkotik, narkomaniya axmaqlıqdır. Bundan xilas olmaq üçün güc tapmalısan. Həyat sənə elə dərs verir ki, həyatın riyaziyyata çevrilir.
Hamımız iblisik. Yarımız iblis, yarımız mələk, yarımız Allahıq. Amma Nəsimi demişkən, çalışıb Allah olmaq lazımdır".
Elşad İTV-nin replə bağlı layihəsindən söz açıb:
"Məni özüm pul qazandığım tədbirə dəvət etmək olmaz. Məni mənim ideyamda pulsuz istifadə etmək olmaz. Mən özümə, köhnə tanışlarıma replə bağlı sənədli film çəkməyi təklif etmişdim. Sonra onu harada təqdim etməyi düşündüm. Pulsuz heç nə edə bilmədiyin üçün dostlarıma təklif etdim. Hətta rusların hazırladığı şablon da göstərdim. Kobud desək, kanal ideyamı götürdü və mənsiz özləri etdi. Ona görə də layihəmə getmədim. Orada elə adlar var ki, məsələdən danışmağa utanıram. Filmə baxdım, kaş baxmazdım. Yeni heç nə yox idi. Uşaqlıq dostum Balaş Qasımova (İTV-nin rəhbəri - red.) hörmətdən çox danışmıram".
