Ermənistan Baş naziri Nikol Paşinyan istefa verməyəcəyini bildirib. Bunu Ermənistanın yerli “Hraparak“ nəşri yazıb.
Bu barədə 21 sentyabr tarixində APA məlumat verir.
Nəşr qeyd edib ki, dünən İrəvanın Respublika meydanında toplaşan nümayişçilərin hökumət əleyhinə etiraz aksiyası fonunda Paşinyan ailə üzvlərini paytaxtdan çıxarıb və bunun ardınca bir qrup tərəfdarı ilə görüşüb.
Paşinyan komandasına açıq şəkildə bildirib ki, nəyin bahasına olursa-olsun, hakimiyyətdə qalacaq və istefa verməyəcək.
