“MasterChef Türkiye” televiziya yarışmasının məşhur münsiflərindən olan aşpaz Somer Sivrioğlu barədə həbs qərarı verilib.
İnsanoid.com Türkiyə mətbuatına istinadla xəbər verir ki, buna səbəb 2 il əvvəl onun İstanbuldakı lüks restoranının istinad divarının uçması nəticəsində 1 nəfərin ölməsi və 1 nəfərin yaralanmasıdır.
İstanbul 32-ci Ağır Cinayətlər Məhkəməsində keçirilən iclas zamanı aralarında aşpaz S.Sivrioğlu da olmaqla 3 nəfər barəsində həbs qərarı verilib.
Məhkəmənin qərarı ilə aşpaz Somer Sivrioğlu, Kazım Evirgen ve Kadri Berk Cemal barəsində 5 il 6 ay 20 gün müddətinə azadlıqdan məhrumetmə cəzası verilib.
Komitə təqsirləndirilənlər Sakine Öçal, Gülay Kula, Sevinç Kula və Mehmet Levent Kulaya bəraət verilməsinə qərar verib.
Qeyd edək ki, 21 may 2022-ci ildə İstanbulun Etiler rayonu Nispetiye küçəsində lüks restoran qarşısındakı istinad divarı uçub. Hadisə nəticəsində iordaniyalı sabiq diplomat Əhməd Muhamməd Salem Lubbad ölüb, 1 nəfər isə ağır yaralanıb.
Prokuror ittiham aktında təqsirli şəxslər barəsində 22.5 il həbs cəzası istəmişdi.
[gallery size="full" ids="208664,208663,208662"]
