Maykl Ceksonun qızı Peris sevgilisi, musiqi prodüseri və DJ Castin Lonqla evlənəcəyini açıqlayıb.
İnsanoid.com xəbər verir ki, bu barədə qız "Instagram" sosial şəbəkəsində izləyicilərinə məlumat verib.
Aktrisa nişanlısının ad günündə Castinin ona evlilik təklifi edərkən çəkdirdiyi fotonu paylaşaraq şad xəbəri elan edib.
"Doğum günün mübarək! Daha mükəmməl bir insan barədə hətta xəyal edə bilməzdim. Sənin yanında olmağa icazə verdiyin üçün sənə təşəkkür edirəm. Səni sevirəm!", - Peris yazıb.
Xatırladaq ki, Peris Cekson və Castin Lonq 2022-ci ildən sevgilidirlər. Bundan əvvəl aktrisa musiqiçi Qabriel Qlenn ilə görüşürdü, lakin naməlum səbəblərdən onların münasibətləri sona çatıb.
[gallery size="full" ids="208852,208853,208854"]
