Müğənni Damla 10 aydır ABŞ-da təhsil alan oğlu İbrahimi görə bilmədiyi üçün göz yaşı axıdır.
İnsanoid.com xəbər verir ki, buna ABŞ səfirliyinin onun vizasını ləğv etməsi səbəb olub.
Damla "Günə bax" verilişində bildirib ki, ABŞ-da konsert təşkilatçıları onun vizasından sui-istifadə edərək konsert afişaları hazırlayıb və biletləri satışa çıxarıblar. Bu hadisə səfirlikdə yanlış anlaşılmaya səbəb olub.
Səfirlik Damlanı çağıraraq, konsert niyyəti ilə ABŞ-a getməkdə ittiham edib və onun vizasını ləğv edib. Damla isə dəfələrlə izah etməyə çalışıb ki, məqsədi yalnız oğlunu görməkdir.
Damla əlavə edib ki, oğlu İbrahim təhsilini bitirib ölkəyə qayıtmağı planlaşdırır və o, ölkəsinə yararlı vətəndaş olmaq niyyətindədir. Səfirlikdən təkrar müraciətinə də imtina cavabı gəlib.
