Türkiyədə məşhur müğənni Athena Gökhan kimi tanınan Gökhan Özoğuza məxsus üçmərtəbəli bina uçub.
İnsanoid.com Türkiyə KİV-lərə istinadən xəbər verir ki, hadisə Balat məhəlləsində ötən gün saat 22:40 radələrində baş verib.
Məlumata görə, yaşayış olmayan binada qismən çökmə qeydə alınıb. Ehtiyat tədbiri olaraq binanın yanındakı iki və qarşısında yerləşən bir binanın sakinləri dərhal təxliyə ediliblər.
Çökmə nəticəsində binanın ətrafındakı yolun bir hissəsində də zədələnmələr baş verib. Hadisə yerindən götürülən nümunələr müvafiq laboratoriyalarda araşdırıldıqdan sonra binanın sökülüb-sökülməyəcəyinə qərar veriləcək.
Hadisə ilə bağlı təhqiqat aparılır.
