Ermənistanın Baş naziri Nikol Paşinyan parlamentdə çıxışı zamanı 9 noyabr 2020-ci il tarixli bəyanatı imzaladığı anda ətrafındakı həmkarlarının fikrinin onu maraqlandırmadığını bildirib.
Bu barədə İnsanoid.com "Sputnik Ermənistan"-a istinadən xəbər verir.
"2020-ci il noyabrın 9-da bir çox həmkarım həmin an mənim kabinetimdə idi. Mən dedim: 'İndi heç kimin fikri məni maraqlandırmır, bu məsuliyyəti öz üzərimə götürürəm və bu bəyanatı imzalayacağam'. Və Düşünürəm ki, doğru etdim. Bunu niyə etdiyim isə başqa bir sual və başqa bir mövzudur." - deyə Paşinyan qeyd edib.
O, əlavə edib ki, elə anlar olur ki, insan məsuliyyəti öz üzərinə götürməlidir.
