Rusiya Prezidenti Vladimir Putin şəxsi maliyyə məsələlərinə dair maraqlı açıqlama verib.
İnsanoid.com xəbər verir ki, o, pulunu harada saxladığını və maaşının hansı bank vasitəsilə köçürüldüyünü ictimaiyyətlə bölüşüb.
"Bank Rusiya"ya qarşı sanksiyalar tətbiq ediləndə, bu, ilk maliyyə qurumu oldu ki, mən nümayişkaranə şəkildə pullarımı ora köçürdüm. Maaşımı da, məncə, elə ora köçürürlər," - deyə Putin bildirib.
Rusiya Prezidenti bu addımı ilə ölkəsinin maliyyə sisteminə olan inamını nümayiş etdirmək istədiyini vurğulayıb. "Bank Rusiya" ABŞ və Avropa İttifaqı tərəfindən 2014-cü ildən bəri sanksiyalar altında olan maliyyə qurumlarından sadəcə biridir.
Bu açıqlama sosial şəbəkələrdə və mediada geniş müzakirələrə səbəb olub, Rusiyanın daxili maliyyə siyasətinə və sanksiyaların təsirlərinə marağı yenidən gündəmə gətirib.
