Şabranda 55 yaşlı qadın dəm qazından boğulub. Bu barədə 25 sentyabr tarixində Report məlumat verib.
Şabran rayonunun Dəvəçikənd kənd sakini, 1968-ci il təvəllüdlü Əhmədova Rəsmiyyə Qazəhməd qızı yaşadığı evdə hamam otağında huşsuz vəziyyətdə tapılıb.
Hadisə yerinə Təcili Tibbi Yardım Stansiyasının həkimləri çağırılıblar. Huşsuz vəziyyətdə olan qadına ilkin tibbi yardım göstərilərək Şabran Rayon Mərkəzi Xəstəxanasına aparılıb. Onun həyatını xilas etmək mümkün olmayıb.
Faktla bağlı araşdırma aparılır.
