Beynəlxalq Kosmik Stansiyaya cəmi səkkizgünlük missiya üçün yollanan, lakin texniki nasazlıqlar səbəbindən artıq 2 ildir Yerə qayıda bilməyən astronavtlardan Sunita Uilyamsın səhhətində ciddi problemlər müşahidə olunur. NASA həkimləri Uilyamsın sürətlə çəki itirməsindən narahatdırlar.
New York Post-ın verdiyi məlumata görə, son yayımlanan fotolarda Sunita Uilyamsın sadəcə arıqlamadığı, həm də olduqca zəif göründüyü bildirilib. NASA əməkdaşı vəziyyətlə bağlı 
deyib: “İndi o, bir dəri və bir sümükdən ibarətdir. Əsas məqsəd onun çəki itkisini dayandırmaq və bədən çəkisini normaya qaytarmağa çalışmaqdır.”
Xatırladaq ki, Butç Uilmor və Sunita Uilyamsın iştirak etdiyi bu missiyanın yalnız bir həftə davam etməsi nəzərdə tutulsa da, stansiyaya birləşmə zamanı mühərrik problemi və helium sızması kimi nasazlıqlar meydana gəlib. NASA problemi aradan qaldıra bilmədiyi üçün "Starliner" gəmisini ekipajsız Yerə qaytarmaq qərarına gəlib. Uilmor və Uilyams isə Yerə qayıtmaq üçün "SpaceX" şirkətinin "Crew Dragon" gəmisini gözləməli olacaqlar. Bu missiyanın 2025-ci ilin fevral ayında həyata keçirilməsi planlaşdırılır.
