Türkiyənin məşhur "Sihirli Annem" serialında "Çilek" obrazını canlandıran Zeynəb Özkaya, uzun illərdir birlikdə olduğu sevgilisi Oğulcan Candan evlilik təklifi alıb.
İnsanoid.com Türkiyə mətbuatına istinadən xəbər verir ki, aktrisa dostunun ad günü mərasimində iştirak edərkən, gözlənilməz şəkildə sevgilisinin evlilik təklifilə qarşılaşıb və bu hadisəni "həyatımın şokunu yaşadım" ifadəsi ilə təsvir edib.
26 yaşlı aktrisa evlilik yolundakı ilk addım olan elçilik mərasimindən çəkilən fotoları sosial mediada izləyiciləri ilə bölüşüb. O, paylaşımında "Həyəcandan ölürdüm, amma hər şey çox gözəl və hüzurlu idi" deyə qeyd edib və növbəti həftə söz və nişan mərasimlərinin keçiriləcəyini bildirib.
Zeynəb Özkaya 1998-ci ildə İstanbulda anadan olub və "Sihirli Annem" serialından başqa "İki Aile", "Eyvah Halam" və "Altındağlı" kimi seriallarda da rol alıb.
[gallery size="full" ids="201451,201452,201453,201454,201455,201456"]
