Türkiyənin Kocaeli vilayətinin Çayırova ilçəsində keçirilən sünnət toyunda zəhərlənmə hadisəsi baş verib.
İnsanoid.com Türkiyə mediasına istinadən xəbər verir ki, toyda qonaqlara təqdim olunan toyuqlu plov yeyən şəxslər evlərinə döndükdən sonra ürəkbulanma və qusma kimi zəhərlənmə əlamətləri hiss etməyə başlayıblar.
Çoxsaylı şikayətlər əsasında bölgəyə təcili tibbi yardım briqadaları göndərilib. Zəhərlənən şəxslərin bir qismi təcili yardım vasitəsilə, digərləri isə öz imkanları ilə müxtəlif xəstəxanalara aparılıb. Ümumilikdə 60-dan çox insan oxşar şikayətlərlə xəstəxanalara müraciət edib.
Hadisə ilə bağlı araşdırma aparılır.
