Taksi sürücüsü işləmək istəyənlər üçün qeydiyyat başlayıb.
İnsanoid.com xəbər verir ki, bu barədə Dövlət İmtahan Mərkəzi (DİM) məlumat yayıb.
Bildirilib ki, 1 dekabr 2024-cü il tarixində avtomobil nəqliyyatı ilə beynəlxalq sərnişin və yük daşımaları fəaliyyətinin operatorunun məsul şəxsləri və beynəlxalq yük daşımalarını həyata keçirən sürücülərin xüsusi hazırlığının nəticələrinin qiymətləndirilməsi məqsədilə imtahan təşkil olunacaq.
Həmçinin 16 dekabr tarixində Dövlət İmtahan Mərkəzi xüsusi hazırlıq keçmiş taksi minik avtomobili sürücüləri üçün də növbəti imtahan keçirəcək.
Qeyd edək ki, imtahanda iştirak etmək istəyən hazırlıq keçmiş şəxslər ilk növbədə DİM-in internet saytında qeydiyyatdan keçməlidirlər. İmtahanda iştirak ödənişlidir.
