"Tesla" təxminən 2 431 ədəd "Cybertruck" elektrik pikapını geri çağırdığını açıqlayıb.
"Reuters" xəbər verir ki, ABŞ-ın Avtomobil Yollarında Hərəkətin Təhlükəsizliyi üzrə Milli Administrasiyası (NHTSA) da geri çağırılma ilə bağlı məlumat yayıb.
Məlumata görə, geri çağırılan avtomobillər 2022-ci ilin noyabr ayından 2023-cü ilin iyul ayına qədər istehsal edilən pikapları əhatə edir.
Geri çağırılmanın səbəbi sürücü invertorundakı nasazlıqdır. Bu, pikapın dartma qabiliyyətini azalda, qəza riskini artıra bilər. Şirkət geri çağırılan avtomobillərdə nasaz invertoru pulsuz olaraq dəyişdirəcək.
Xatırladaq ki, bu, cari il ərzində "Cybertruck" modelləri üçün edilən altıncı geri çağırmadır.
"Cybertruck"un seriyalı istehsalına 2023-cü ilin iyul ayında başlanılıb və ilk tədarüklər noyabr ayında həyata keçirilib.
