ABŞ, Ukraynanın Storm Shadow raketlərindən istifadə edərək Rusiyanın daxilinə zərbələr endirməsinə qarşı etirazlarını geri götürüb.
İnsanoid.com xəbər verir ki, bu barədə "The Times" qəzeti məlumat yayıb.
İlk dəfə olaraq Ukrayna Silahlı Qüvvələri Britaniyada istehsal edilən Storm Shadow raketlərini Rusiyanın daxilində hədəflərə qarşı tətbiq edib. "Bloomberg"in verdiyi məlumata görə, bu raketlər Kursk vilayətində yerləşən Rusiya Prezident Administrasiyasının sanatoriyasına zərbə endirib. Həmin sanatoriyada Rusiya Silahlı Qüvvələrinin komanda məntəqəsinin yerləşdiyi ehtimal edilir.
Hadisə zamanı zərbələrin nəticələri və təfərrüatları dəqiqləşdirilir. Bu, Ukraynanın müharibədə taktiki üstünlük əldə etmək üçün yeni imkanlara sahib olduğunu göstərən mühüm bir addım kimi qiymətləndirilir.
