Bakının Nizami rayonunda aptekdən dərman alan şəxsin 100 manatını soyğunçuluq yolu ilə əlindən alan şəxs polislər tərəfindən saxlanılıb. Bu barədə 8 yanvar tarixində APA Daxili İşlər Nazirliyinə istinadən məlumat verib.
Belə ki, bir nəfər rayon ərazisindəki apteklərin birindən dərman alan zaman tanımadığı şəxs onun pul kisəsində olan 100 manatı soyğunçuluq yolu ilə əlindən alaraq, hadisə yerindən qaçıb. Şübhəli bilinən əvvəllər məhkum olunmuş 1988-ci il təvəllüdlü Kamil Dadaşov saxlanılıb.
Həmin şəxsin üzərindən şəxsi istifadəsi üçün əldə etdiyi narkotik maddə heroin də aşkar olunaraq götürülüb. Soyğunçuluq edən şəxsin qanunsuz hərəkətləri aptekdə quraşdırılan kameralar vasitəsilə də qeydə alınıb.
[playlist type="video" tracklist="false" ids="157760"]
