Azərbaycanlı idmançı yaşı 20 və 23-ə qədər olan gənclər arasında ağır atletika üzrə Avropa birinciliyində gümüş medal qazanıb. Bu barədə İnsanoid bu gün, 31 iyul tarixində Azərbaycan Ağır Atletika Federasiyasına istinadən məlumat verir.
26 iyul – 3 avqust tarixlərində Rumıniyanın paytaxtı Buxarestdə ağır atletika üzrə Avropa birinciliyi keçirilir.
34 ölkədən 394 atletin iştirak etdiyi yarışa Azərbaycan yığma komandasının üzvləri də qoşulurlar.
Onlardan Füqan Əliyev yaşı 23-ə qədər olan atletlər arasında 81 kq çəki dərəcəsində qüvvəsini sınayıb.
Atletimiz birdən qaldırma hərəkətində 138 kq-ı ram edib və bu hərəkətdə 9-cu yeri tutub.
F. Əliyev təkanla qaldırma hərəkətində uğurlu çıxış edib. O, 179 kq-ı qaldırıb və bu hərəkətdə Avropa birinciliyinin gümüş medalını qazanıb.
Toplam 317 kq (138+179) nəticə göstərən Füqan yekun sıralamada 4-cü yeri tutub.
