Yeniyetmələrin Ümumdünya Şahmat Olimpiadasında Azərbaycan təmsilçisi qızıl medal qazanıb. Bu barədə İnsanoid bu gün, 19 avqust tarixində Report-a istinadən xəbər verir.
Niderlandın Eyndhoven şəhərində keçirilən olimpiada başa çatıb.
Azərbaycanı Read Səmədov, Xaqan Əhməd, Cahandar Azadəliyev və Nərmin Abdinova təmsil ediblər.
47 ölkədən 63 komandanın mübarizə apardığı olimpiadada Azərbaycan yığması yarışı 12-ci pillədə başa vurub.
Read Səmədov birinci lövhədə 9 oyundan 8 xal toplamaqla ən yüksək nəticə sahibi kimi qızıl medala layiq görülüb.
Mükafatlandırma mərasimində Read Səmədovun şərəfinə Azərbaycan Himni səsləndirilib.
