Azərbaycan zəlzələdən sonra Türkiyəyə 25 milyon manata yaxın maddi yardım ayırıb. Bu barədə 22 fevral tarixində Report Azərbaycan Xarici İşlər Nazirliyinə istinadən məlumat verib.
Xatırladaq ki, fevralın 6-da ocağı Türkiyənin Kahramanmaraş şəhərinin Pazarcık rayonunda olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub.
Türkiyədəki zəlzələ nəticəsində ölənlərin sayı 42 310 nəfərə çatıb.
Türkiyənin zəlzələ baş verən 10 şəhərində 3 aylıq fövqəladə vəziyyət elan olunub.
Bu hadisə Türkiyədə 1939-cu ildən bəri qeydə alınan ən güclü zəlzələ kimi tarixə düşüb.
