Azərbaycanda dini qurumlara maliyyə yardımı ayrılıb. Bununla bağlı 19 yanvar tarixində Prezident İlham Əliyev Sərəncam imzalayıb.
Sərəncamla Azərbaycanda dini qurumlara maliyyə yardımı göstərmək üçün Azərbaycan Respublikasının 2024-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan:
- Qafqaz Müsəlmanları İdarəsinə 2 milyon manat,
- Rus Pravoslav Kilsəsinin Bakı və Azərbaycan Yeparxiyası dini qurumuna 350 min manat,
- Bakı şəhəri Dağ yəhudiləri dini icmasına 350 min manat,
- Avropa yəhudilərinin Bakı dini icmasına 350 min manat,
- Azərbaycan Respublikasında Katolik Kilsəsinin Apostol Prefekturası dini qurumuna 350 min manat,
- Azərbaycan Respublikasının Alban-Udi xristian dini icmasına 350 min manat,
digər qeyri-islam dini icmalarına maddi dəstək məqsədilə Azərbaycan Respublikası Dini Qurumlarla İş üzrə Dövlət Komitəsinin tabeliyində Mənəvi Dəyərlərin Təbliği Fonduna
350 min manat ayrılıb.
