Biləsuvar rayonunda “Azeri Home Chef” komandası Biləsuvar Icra hakimiyyəti ilə birgə Hinduşka Festivalı təşkil edir. Bu barədə 20 noyabr tarixində İnsanoid sosial şəbəkələrə istinadən xəbər verir.
Bu mövzuda festival artıq üçüncü ildir ki, keçirilir.
Tədbir 25 noyabr saat 11:00-da Mərkəzi Biləsuvar Parkında baş tutacaq.
Festivalda iştirak edən qonaqları kənd təsərrüfatı şirkətlərinin çıxışları, yerli və paytaxt brendləri və regionun ən yaxşı restoranları ilə tanışlıq, yerli yeməklərin dequstasiyası, əyləncə proqramı, məşhur aşpazlardan ustad dərsləri, vokal müsabiqə, "Mən rəsm çəkirəm" adlı rəsm müsabiqəsi, nərd çempionatı, Cənub bölgəsinin folkloru ilə tanışlıq, müxtəlif idman yarışları və həmişə olduğu kimi, ən yaxşı həvəskar aşpazların öz bacarıqlarını nümayiş etdirəcəyi, məşhur münsiflər heyətinin isə ən yaxşıları seçəcəyi "Yummy Turkey" adlı kulinariya müsabiqəsi gözləyir.
Tədbir 19:00-da başa çatacaq. Yol 1,5 saat çəkir.
“Avtobuslarda yer bron etmək üçün +994 50 310 98 86 nömrəsinə zəng edin”, - məlumatda qeyd olunub.
