Bakıda Pasifik Alyansın ofisinin açılışı olub. Bu barədə dekabrın 13-də Report məlumat yayıb.
Açılış mərasimində Kolumbiya, Meksika, Çili səfirləri, eləcə də Azərbaycan xarici işlər nazirinin müavini Elnur Məmmədov iştirak ediblər.
“Bu ofisin açılışı Azərbaycanla alyansa üzv ölkələri arasında münasibətləri daha da yaxşılaşdıracaq. Biz Azərbaycanla əlaqələrin gücləndirilməsində maraqlıyıq”, – deyə kolumbiyalı diplomat bildirib.
Pasifik Alyans (Alianza del Pacifico) Meksika, Kolumbiya, Peru, Çili respublikalarının üzv olduğu ticarət birliyidir. Azərbaycan 2019-cu ilin iyul ayından təşkilatda müşahidəçi statusuna malikdir.
