Bakıda piyadaların xəsarət alması ilə nəticələnən yol qəzaları baş verib. Bu barədə Report 8 sentyabr tarixində xəbər verib.
Paytaxtın Binəqədi rayonunda avtomobil yolu keçən 1961-ci il təvəllüdlü Süleymanova Firəngiz Məmməd qızını vurub.
Yaralı təcili tibbi yardımın köməkliyi ilə xəstəxanaya çatdırılıb.
Analoji hadisə Nərimanov rayonunda gənc piyadanın ağır xəsarət alması ilə nəticələnib.
26 yaşlı Arzu İbrahimovanı avtomobil vurub.
Xəstəxanaya çatdırılan yaralıya müştərək travma diaqnozu qoyulub.
Faktlarla bağlı araşdırma aparılır.
